„Камп скаут“ – Струга е најдобриот целосно обновен и опремен камп во Македонија. Лоциран е на пошумена површина од 6.500 м2 на работ на градот Струга на брегот на Охридското Езеро. Има совршена позиција, на само 500 метри од центарот на градот, 400 метри од главниот зелен пазар, и со 5 различни плажи на радиус од 500 метри, кои го прават уникатно место за младите кои сакаат активен одмор и забави, или семејства кои претпочитаат тивко кампување под целодневни длабоки сенки на 50-годишните дрвја, а сепак да се блиску до главните случувања во градот.
Ем во центарот на градот, ем на брегот на езерото, ем во природа, ем настрана од градската бучава. Шатори, куќи на дрвја, хостел – сместувачки капацитети со паркинг за камп-приколки, трејлери… со место за одмор, за скара, со ви-фи, игралиште, патеки за возење велосипед за деца…
Дополнително, имаме и низа авантуристички активности за „зависните“ од адреналин! Со други зборови, се што ви треба за идеално летување за време на кризата со вирусот.
Љубителите на акцијата можат да уживаат во долг список на активности, дневни тури и курсеви што ги подготвивме за вас. Ако сте љубител на вода, можете да нуркате или да присуствувате на курс за нуркачи на отворено, под водство на нашите инструктори за нуркање, или можете да одите на едрење, да одете низ езерото со брз брод, да изнајмите кајак или кану или да се придружите на нашите рафтинг турнеи на реката Црн Дрим.
Ако сте љубител на планината, без разлика дали сакате да уживате во планината или сакате предизвици, имаме различни планинарски тури, прошетки, планински велосипедизам или тури за ориентација и опстанок.
Ако сакате да ги откриете културните и историските места, ние подготвивме еднодневни тури до блискиот охридски замок, славното село Вевчани, познатите манастири, куќите на битолските конзули или Старата скопска чаршија и музеите.
12:00 – 22:00
10:00 – 12:00